கிழமொழியில் எழுதப்பெற்ற பாடல்கள்

*

மகான் ஸ்ரீ ல ஸ்ரீ பித்தானந்த பித்தன் சுவாமிகள் அருளிய பித்தபுராணம் நூலிலிருந்து சில பாடல்களும் ( நூல் கிழமொழியில் (கிழக்கு மொழி) எழுதபெற்றது) அதற்க்கு விளக்கங்களும் சொல்கிறேன்.


கிழமொழியில் எழுதப்பெற்ற பாடல்கள்

ஹிஹோ ஹம ஜிம ஸும சிஸ்ய சிறி
ஸஸிஹி ஹோஸ் ஹிஹோ ஹிஹிஹி
உஹொ ஸிகா ச்ஷிச்ச ஸிந்மெ ஜம்
ஸும்சா ஸிம்ஸா ஜிஹொ ஸிஸ்நா.

சிச்க்ஷா ஸுமா ஸிம்கொ ஹெமேஜோ
ஹோச்ற்றி விஸ்ரா விவாக வேவேகா
ஸுவக்திய ஸிஸ்த்ரியா சிம்ஜிலா ஸிஹி
சிமிஜி ஹூச்ம ஹோபாசு வித்ரிஸ்ஹ்மா

ப்பவோ விட்ரிஸ்ஹ ஸுலகா ஸும்ஸா
விஹாரத் விஸ்ஹ்வத்ரி விதொ னம்தோ
திஸ்மாஸ்ஹ்ய திர்ஸ்ஹ்மா திறி திந்ஸ்ஹா
அதம்ஸ்ரியா அகத்ரிஸ்தொ ச்டுஅமா ஹி

நஸ்ஹா நவஹோ நஜிஸ் நம்ஸ்ர்த்ஹா
பிர்ம்ஹெ பிரிஷ்த்ஷ் பிஹிஸ்ஹ் ஸுஹி
ஹம்ஷதத்தோ தஸ்ஹா தஸிர்ஹ சிஸ்
ஸிம்ஹொ சிம்ய் ஸிர்த்தா ஸிந்ஹா.

-ஸ்ரீ ல ஸ்ரீ பித்தானந்த பித்தன் சுவாமிகள்

இனி மகான் எழுதிய பாடல்களுக்கான தமிழ் விளக்கவுரை.

ஹிஹோ ஹம ஜிம ஸும சிஸ்ய சிறி
ஸஸிஹி ஹோஸ் ஹிஹோ ஹிஹிஹி

பிறப்பால் தன்னை உயர்ந்தவன் என்று கருதுபவனும் தாழ்ந்தவன் என்று கருதுபவனும் இந்த உலகில் வாழ தகுதியற்றவர்கள்.

உஹொ ஸிகா ச்ஷிச்ச ஸிந்மெ ஜம்
ஸும்சா ஸிம்ஸா ஜிஹொ ஸிஸ்நா

மனிதனை மனிதனாக மதிப்பவனும், இறைநிலைக்கு சென்றவனும் ஒன்றே

சிச்க்ஷா ஸுமா ஸிம்கொ ஹெமேஜோ
ஹோச்ற்றி விஸ்ரா விவாக வேவேகா

சகுனம், சடங்கு, சம்பரதயத்தை போதிப்பவன் அல்லது பார்ப்பவன் சாமியாராக இருக்க முடியாது

அன்பை மட்டுமே போதித்து அப்படியே அவனும் வாழ்ந்தால் அவனே ஆசான்.
மூணு வேலை பூசை செய்தாலும், இருபத்திநாலு மணிநேரம் இறைவனை நினைத்தாலும், எதையும் நினைக்காதவன் அருகில் கூட செல்ல இயலாது.

ஸுவக்திய ஸிஸ்த்ரியா சிம்ஜிலா ஸிஹி
சிமிஜி ஹூச்ம ஹோபாசு வித்ரிஸ்ஹ்மா

தான் பிறந்த தேசத்தின் பெருமையை மற்றும் தான் சார்ந்திருந்த மதத்தின் துதி பாடுபவனுக்கு எப்படி அனைத்தையும் ஒன்றாக பார்க்கும் மனது இருக்கும், பிறகு அவன் எப்படி ஞானி ஆவான் ?

ப்பவோ விட்ரிஸ்ஹ ஸுலகா ஸும்ஸா
விஹாரத் விஸ்ஹ்வத்ரி விதொ னம்தோ

மதம் பிடித்தாடும் மதத்தை கட்டிக்கொண்டால் உனக்கும் மதம் பிடிக்கும்.
சாதியை தோற்றி வைத்தல் அந்த சாதியே அவர்களை அளிக்கும்

திஸ்மாஸ்ஹ்ய திர்ஸ்ஹ்மா திறி திந்ஸ்ஹா
அதம்ஸ்ரியா அகத்ரிஸ்தொ ச்டுஅமா ஹி

யாருக்கும் தீங்கிளைகாமல் வாழவேண்டும் என்று விரும்பி அவ்வாறே வாழ்ந்தால் உன் வாழ்க்கைதான் வேதம், மற்றதெல்லாம் குப்பை.

நஸ்ஹா நவஹோ நஜிஸ் நம்ஸ்ர்த்ஹா
பிர்ம்ஹெ பிரிஷ்த்ஷ் பிஹிஸ்ஹ் ஸுஹி

மொழிகளில் பீத்தமொழி, நல்லமொழி என்று ஒன்றும் இல்லை எல்லாம் நாம் பார்க்கும் பார்வையில் தான் உள்ளது.
எந்த மொழியில் எழுதப்பட்ட பாடலையும் மனமுருகி பாடினால் அதிர்வலை அதுவாகவே வரும், அனைத்து மொழிகளுக்கும் சக்தி உண்டு.

ஹம்ஷதத்தோ தஸ்ஹா தஸிர்ஹ சிஸ்
ஸிம்ஹொ சிம்ய் ஸிர்த்தா ஸிந்ஹா

எனக்கு கிழமொழி மட்டும் தான் தெரியும் அதனால் தான் இந்த நூலை அந்த மொழியில் எழுதினேன். ஆயிரம் ஆயிரம் ஆண்டுகள் கழித்து எனது கருத்துக்களை அணுஅளவும் கடைபிடிக்காமல், மொழியை மட்டும் பிடித்துக்கொண்டு அதையும் முழுவதும் படிக்காமல், சரியாக உச்சரிக்க மற்றும் அர்த்தம் தெரியாமல் அதுவருது, அதிர்வலை வருது சக்தி வருது கடவுள் மொழி என்று கதை விட்டு மொழியை சிதைக்காமல் இருந்தாலே போதும்.

இந்த பாடல்கள் ஐந்தாயிரம் ஆண்டுகளுக்கு முன்பு எழுதிய பாடல்களாக இருக்கலாம் .

சில்லறை வேதாந்தம்

தேடல் இல்லாமல் தொடங்கி
ஏதும் தெரியாமல் பேசி
தன் பேச்சே தேடலை
தொடங்கிவைக்க
எங்கெங்கோ அலைந்து
தான் தான் என்று தெரிந்தபின்னும்
தன்னை நம்பாது
தொடக்கத்துக்கே
செல்வது.


-ஸ்ரீ ல ஸ்ரீ பித்தானந்த பித்தன் சுவாமிகள்

கிரிக்கெட் என்றால் என்ன ?

ரஷ்ய புரட்சிக்கு பிறகு ஒரு பெரிய புரட்சி நடந்துள்ளது இந்தியாவில் தான். கிரிக்கெட் என்னும் புரட்சி. பொடியர்கள் முதல் பெரியவர்கள் வரை விரும்பி பார்ப்பது, வீட்டில் உள்ளவர்கள் வேறுவழியில்லாமல் பார்ப்பது...

மைதானத்தை பிடிக்க அதிகாலையிலேயே செல்வார்கள். திருவிழா கூட்டம் போல மைதானத்தில் உள்ள கூட்டத்தின் நடுவே, அவரவர் ஆடுகளத்தை சரியாக கவனித்து அனைவரும் ஆடுவது வியப்பின் உச்சிக்கே கொண்டுசெல்லும் ஒன்று.

வார இறுதி நாட்கள், கோடைவிடுமுறை என்றால் இன்னும் விசேசம். தேசிய போட்டிகள் உள்ள நாட்களில், மைதானம் மயானம் போல காட்சியளிக்கும். இந்திய அணியின் தோல்வி காரணமாக ஓரிரு மரணங்கள் கூட நிகழ்ந்துள்ளது.

கிரிக்கெட்டின் வரலாறை பின்னோக்கி பார்த்தால். ஞாயிறுவின் பார்வை தம் மேல் தாராளமாக பட வெள்ளைக்காரன் கண்டுபிடித்த விளையாட்டு. அது விளையாட்டாகவே பல தேசங்களுக்கு பரவி, இந்தியாவுக்கும் நுழைந்தது. நமது தேசிய விளையாட்டை ஓரம்கட்டிவிட்டு, உலககோப்பையை வென்றபொழுது கூட அது விளையாட்டாகவே இருந்தது. ஆனால் நிலைமை இன்று வேறு.

அணித்தேர்வு குழுவில் தகுதி, திறமையை தாண்டி. ஆள் பலம், அரசியல் பலம், மாநிலப்பற்று, இனப்பற்று தாண்டவமாடி கொண்டிருக்கின்றது, அதனை நிரூபிக்கும் வகையில், வெகுநாட்களாக புறக்கணிக்கப்பட்ட தமிழர்களுக்கு இப்பொழுது கிடைக்கும் வாய்ப்பு, எல்லாம் ஸ்ரீ பகவான் புண்ணியத்தில்...

பசியினால் இறக்கும் சக குடிமகன்களுக்காக... வடகிழக்கு மாநிலங்களில் நமது இராணுவத்தினாலையே பாதிக்கப்படும் நமது மக்களுக்காக... படிக்கவேண்டிய வயதில் பிச்சைஎடுக்கும் பிள்ளைகளை பார்த்து... நமக்கு வராத ரோசம்...

உலககோப்பை தோல்வியுற்ற பொழுது ஒட்டுமொத்த இந்தியர்களுக்கும் வந்தது...அதன் விளைவாக சில சோடிப்பு வேலைகள். சில அனல் பறக்கும் வாக்குறுதிகள். அவ்வளவுதான். ஆயிரம் கோடி வியாபாரம் உள்ள இந்த தொழிலை(கிரிகெட்) மறுசீரமைக்க அவர்களுக்கு என்ன பைத்தியமா ?

வருடம் முழுவதும் போட்டிகள் நடந்துகொண்டிருக்கதான் செய்கின்றது. சில போட்டிகளில் தோற்கின்றனர், சில போட்டிகளில் வெற்றிபெருகின்றனர், தோல்வியின் பொழுது இகழ்தலும் வெற்றியின் பொழுது புகழ்தலும் நடந்து கொண்டுதான் இருக்கின்றது...

செல்வாக்கு உள்ளவர்கள் நல்ல ஆட்டக்காரர்கள் என்ற போர்வையில்.(ஒரு போட்டியில் நூறு அடித்துவிட்டு ஒன்பது போட்டியில் ஒழுங்காக ஆடதவர்கள்) கிழவர்களான பின்னும், இளையவர்களுக்கு வழிவிடாமல் இருக்கின்றனர். செல்வாக்கு இல்லை என்றால் முப்பது வயது வந்துடன் தூக்கி எறிந்துவிடுவார்கள்.

இவர்கள் விளையாடுவதினால் கிட்டும் ஊதியத்தை விட, விளம்பரங்களினால் பெரும் ஊதியம் பலநூறு மடங்கு அதிகம் என்பதாலேயே. இளையோருக்கு வழிவிடாமல் ஆள்பலத்துடன் அணியை கெட்டியமாக பிடித்து கொள்கின்றனர்.

இந்த விளையாட்டை வைத்தே இந்தியாவின் முதல் பத்து பணக்காரர்களின் பட்டியலில் வந்தவர்களும் உண்டு.

பலகோடி பேர் பார்க்கும் இந்த விளையாட்டில் பணத்துக்காக வேண்டுமென்ற சில சமயம் தோற்று, பார்பவனையும் கேனயனாக்கி விடுகின்றனர், வெளியே தெரிந்து வேறுவழியில்லாமல் அவர்கள் தூக்கிவீசபட்டாலும், பின்னாளில் அரசியல்வாதிகளிடம் இருந்து அவர்களுக்கு ஆதரவுகரம் வந்துவிடுகின்றது. விளையாட்டிலேயே ஊழல் செய்தவர்கள் பதவிக்கு வந்தால் ?

இவர்களுக்கு சமூகத்தில் அங்கிகாரமும் பலநூறு மடங்கு அதிகம். ஒரு வயது குழந்தைக்கு இதய அறுவைசிகிச்சை செய்த மருத்துவரின் புகைப்படத்தை கூட போடாது, செய்தி தரும் ஊடகங்கள். கிரிக்கெட் வீரர்களுக்கு சினிமா துறையினருக்கும் கொடுக்கும் முக்கியத்துவத்தை பார்த்து வேதனை தான் அடையமுடிகின்றது.

பிச்சை எடுத்து, வாங்கி உண்ணும் ஒருவேளை உணவுக்கு கூட வரியையும் சேர்த்து கொடுத்துவிட்டு தான், பிச்சைகாரனாலையே உணவு உன்னமுடிகிறது இந்த தேசத்தில். ஆனால் பல கோடி சொத்துள்ள கிரிக்கெட் வீரர்களுக்கு வருமானவரி விளக்கு கூட கொடுத்திருக்கின்றனர் இதே தேசத்தில்.

கிரிக்கெட்டை விளையாட்டாக மட்டுமே பார்க்கும் மனபக்குவத்தை நாம் வளர்க்க தவறிவிட்டோம் என்பதே உண்மை, ஓய்வு நேரங்களில் மட்டுமே விளையாட கண்டுபிடிக்கப்பட்ட விளையாட்டுக்கள் இன்று முழுபொழுதையும் ஆக்கரமிப்பதோடு மட்டும் அல்லாமல் நம் வாழ்க்கையோடும் விளையாட ஆரம்பித்துவிடுகின்றன. படிக்கும் பொழுது இந்த விளையாட்டின்மீது உள்ள மோகத்தினால் படிப்பில் கவனம் செலுத்த இயலாத பல குழந்தைகளை பார்க்க இயலுகின்றது. அப்படியே விளையாட்டு வீரனாக வரட்டுமே என்று எண்ணினால் பதினோரு பேருக்காக பலலட்சம் பேர் போட்டிபோடவேண்டி இருக்கின்றது. பதினோரு பேரை தவிர மீதி உள்ளவர்களின் நிலைமை ?

சற்று ஆழமாக யோசித்தால் இந்த விளையாட்டினால் சில நூறு அல்லது சில ஆயிரம் நபர்கள் தான் பயனடைவார்கள் ஆனால், இழப்பு பல கோடிபேருக்கு. அலுவலகத்தில் விடுப்பு எடுத்துவிட்டு, பள்ளிகள், கல்லூரிகளுக்கு செல்லாமல் தேசிய போட்டிகளை பார்த்து போட்டியில் வெற்றி அல்லது தோல்வி ஏற்பட்டாலும் அன்றோடு சரி, பலமணிநேரம் வீணாவது தான் மிச்சம். வருடம் முழுவது இந்த போட்டிகள் நடந்துகொண்டே தான் இருக்கும், நாம் பார்த்துக்கொண்டு தான் இருக்கபோகிறோம்...

இது கிரிக்கெட்டின் வரலாறு சொல்ல உதவுமே தவிர, நம் வாழ்க்கைக்கு எள்ளளவும் உதவாது.

இராமர் கோவில் எதற்கு ?

தேர்தல் வரும்பொழுது எல்லாம், தாமரை கட்சி தவறாமல் கொடுக்கும் வாக்குறுதி... நாங்கள் இராமர் கோவிலை கட்டுவோம் என்பது.

முகலாய மன்னன் பாபர், இராமர் பிறந்த இடத்தில் மசூதியை கட்டினானாம், நானூற்றி ஐம்பத்தாறு ஆண்டுகளுக்கு பிறகு, 1984 ஆம் ஆண்டு ஆரம்பிக்கப்பட்ட இராம ஜன்மபூமி மீட்பு இயக்கம், வெற்றிகரமாக பாபர் மசூதியை 1992 ஆம் ஆண்டு இடித்தனர். அன்றிலிருந்து இன்று வரை அரசியலிலும் இது முக்கிய பங்கை வகிக்கின்றது என்று சொன்னால் மிகையல்ல.

- இராமர் பிறந்த இடம் (புராணத்தின் படி) அயோத்தி என்பதால், மசூதியை இடித்திர்கள்... இந்து சமயத்திற்கு முன்பு வேறு சமயம் பாரதத்தில் இருந்து, அதன் கோவில் அதே இடத்தில் இருந்ததாக ஆய்வுகள் சொன்னால் ?

-அப்படியே இராமர் கோவில் கட்டினாலும் அங்கு அமைதியோடு வழிபடமுடியுமா ?

- ஆரியர்கள், இந்தியாவுக்கு சிந்து நதிக்கரையின் வழியாக வந்தவர்கள் என்ற கருத்து இருக்கின்றது, அதனால் அவர்களும் இந்தியர்கள் அல்ல என்றும், ஆரிய கடவுள்கள் இந்தியருக்கு தேவை இல்லை என்று ஒதுக்கிவிடலாமா ?

-பலர் படையெடுத்துவந்து, பலவாராக இந்தியா மாறியது. எனக்கு பழையது வேண்டும் என்று பின்னோக்கி சென்றுகொண்டே இருந்தால்... இறுதியில் மனிதன் தோன்றியதாக கருதப்படும் ஆப்பிரிக்கா கண்டத்திற்குதான் நாம் செல்லவேண்டும்...

-மனிதன், அமைதியான வாழ்கை வாழ நாம் கண்டுபிடித்த மதம், இன்று மதம் பிடித்து ஆடுகின்றது, ஊர் தோறும் குருதி வெள்ளத்தை காண கனவுகாண்கிறது,,, அந்த கனவை நாம் தகர்ப்போம்...

இந்த அரசியல் கட்சிகள் அயோத்தியை ஒரு ஆயுதமாக மற்றும் தங்கமுட்டை இடும் வாத்தாக வைத்துக்கொண்டிருகின்றனர்... மற்றபடி இவர்கள் அயோத்தியில் இராமர் கோவில் கட்டபோவதும் இல்லை...

பலர் உயிர்களை காவுகொடுத்து, பலர்மனத்தை புண்படுத்தி, ஒரு கோவில் தேவையும் இல்லை.

அப்படியே ஒரு கோவில் அமைத்தால், அதில் இறைவனுக்கு பதிலாக பாவங்களும், சாபங்களும் மரன ஓலங்களும் மட்டுமே எஞ்சிருக்கும்,